Thursday 4 April 2013

वेदना


बोलायचे आहे काही, सांगायचे आहे काही 
भावनेस तिच्या कसे, शब्दांचे वावडे बाई 

वेदना मुकेपणाची, सलत आत राही  
निश:ब्दात गुज हे, गुंफीयले जात नाही 
  
मनाचा सय्यम मोठा, परी उर फुटो पाही 
पाणावल्या डोळ्यांनी, ती जळतच राही 

आनंदते आक्रंदते परी, ओठांवर काही नाही 
आंदोलने मनातली, जणू गोठून आत जाती 

उपभोगले त्याने बाईपण, ती वेदनेत न्हाली 
जीवन उरले फक्त .. जगणे जळून जाई 


                 
     … रेश्मा आपटे