पाउस बोलता बोलता गप्प करणारा
पाऊस लिहिता लिहिता हात धरणारा.
कधी वाकुल्या दाखवत क्षणात गायब होणारा
पाऊस, आठवणीत दाटणारा
पाऊस सरींतून बोलणारा
आठवणीतल्या 'त्या'ला जागविणारा
पाऊस पुन्हा हळुवार गाणारा
त्या मोरपंखी दिवसांत झुलवणारा
पाऊस बेभान, माळरान भिजवणारा
त्या धुंद आठवणींत चिंब करणारा
पाऊस मध्येच गंभीर होणारा
त्याच्या नसण्याची जाणीव करून देणारा
पाऊस स्वत:च्याच मस्तीत कोसळणारा
माझ्या एकटेपणावर हसणारा
पाऊस बेधुंद बाहेर कोसळणारा
माझ्या मनात आठवणींतून पाझरणारा ...
... रेश्मा आपटे
No comments:
Post a Comment